LEGAZPI CITY – Ikinaugma kan grupong Alliance of Concerned Teachers an pagdugang kan service credits kan mga paratukdo na maserbi bilang poll workers sa nagdadangadang na 2025 Midterm Elections.
Segun ki Alliance of Concerned Teachers Chairperson Vladimer Quetua sa intrevista kan Bombo Radyo Legazpi na ikinaugma ninda an pagdugang service credits kan mga poll workers kun sain an dating 5 aldaw an magigin nang 10 aldaw.
Prudokto an nasabing pagdagdag nin huli pakikipag-olay ninda asin kan iba pang grupo sa opisina ni Comelec Chairman Atty. George Erwin Garcia kun saen piggiit suboot ninda na kulang an dating 5 days na service credits.
Dakulang tabang na man an expansion para man sa saindang mga salud urog na kun wara man ki leave credits bako arug kan ibang mga sektor na may leave credits asin halangkaw ang sahod.
Mawot man kaini na may mahiling nang kasuratan bilang epektibo na suboot na ipaotob kun talagang may magayon na nangyayari sa isinagibo nindang dayalogo.
Dapat man suboot na kaulayon an Bureau of Internal Revenue nin huli ta may buwis pa na pigbabawas sa mga honorarium kan mga paratukdo na pangdagdag pa kuta sa saindang allowance.
Pagdoon pa ni Quetua na bako man imposible na makuwa kan mga paratukdo nin buo an saindang allowance kun magsagibo nin lakdang an administrasyon nin huli ta an paratukdo an nagbabantay nganing maisagibo an pirilian sa enterong nacion.
