LEGAZPI CITY- Nilinaw kan grupo nin mga parasisira na warang pakinabang an local fisherfolks sa pinaglalaoman na paglangkaw kan presyo kan sira ngunyan na Semana Santa.
Segun ki Pambansang Lakas ng Kilusang Mamamalakaya ng Pilipinas President Pando Hicap sa intrevista kan Bombo Radyo Legazpi na solamenteng an mga traders sana an nagsasamantala sa sitwasyon.
Paliwanag kaini na dae man nagbabago an presyo kan barakalan kan sira hali sa mga parasisira.
Napag-araman kaya na kun naglalangkaw an demand kan sira, pigsasamantala man kan mga traders an presyuhan kaya ini an dapat na matawan nin aksyon kan gobierno.
Aminado an opisyal na padagos na naglalangkaw an gastos sa pagsisira alagad dae man nagbabago an ganansya kan mga fisherfolks.
Sa presente, sinabi man ni Hicap na dakula an produksyon ngunyan huli sa dakol an dakop tuyong magayon an sitwasyon kan panahon.
