LEGAZPI CITY- Kinondenar kan grupo nin mga parasisira an panibagong insidente nin pangha-harass kan China sa mga barko kan Pilipinas sa Pag-asa island.
Segun ki Pambansang Lakas ng Kilusang Mamamalakaya ng Pilipinas President Pando Hicap sa intrevista kan Bombo Radyo Legazpi na bako kaako-ako an siring na mga lakdang.
Bako man uyon an nasabing grupo sa paagi kan pagresolbar kan Marcos administration sa tensyon sa West Philippine Sea.
Paliwanag kaini na bako tama na pirmihan na naglalaom sana an administrasyon sa Estados Unidos.
Tinuyaw pa kaini an suboot pagpapagibo nin pasilidad kan Estados Unidos sa Palawan na pigagastusan pa kan gobierno.
Kinakaipuhan suboot na palayason na an pwersa kan Amerika sa West Philippine Sea na mas nakakadugang pa sa tensyon.
