LEGAZPI CITY- Tinuyaw kan grupo nin mga paraoma an padagos na pagbaka nin imported na bagas sa Pilipinas.
Ini an kasunod kan plano kan Department of Agriculture na pagbaba pa sa maximum suggested retail price sa imported na bagas sa P45 sa katapusan kan bulan nin Marso ngani suboot na mapababa an presyo kan bagas sa nacion.
Segun ki Bantay Bigas spokesperson Cathy Estavillo sa intrevista kan Bombo Radyo Legazpi na an padagos na importasyon an rason kaya nababakal sa hibabang presyo an paroy kan mga lokal na paraoma na nagpapalugi sa mga ini.
Paliwanag kan opisyal na mawawaran nin ganansya an lokal na mga paraoma huli sa halangkaw na production cost.
Aminado an nasabing grupo na kun padagos na ilalaom kan gobierno an kakapusan nin bagas sa pag-aangkat, padagos man na madakula an epekto kaini sa lokal na mga paraoma asin lokal na produskyon.
Mientras tanto, tinuyaw man ni Estavillo na solamenteng an nakikinabang sana sa pagbaba nin taripa asin pagbaba nin presyo sa world market iyo an mga exporting countries, mga importers, asin millers na nambabarat sa presyo kan paroy kan lokal na mga paroama.
