LEGAZPI CITY-Iginawad kan Boy Scouts of the Philippines (BSP) an pinakahalangkaw kaining parangal para sa kagitingan ni Scout Chris Lorenz Fabian, sarong Grade 10 na estudyante na nagadan mantang pigpo-protehiran an saiyang mga kaklase sa nangyaring pambabadil sa San Jose National High School kan Hunyo 22.
Iginawad kay Fabian an Gold Gallantry and Heroism Award, an pinakahalangkaw na pagbisto kan Boy Scouts of the Philippines para sa mga scout na nagsasapanganib o nagsasakripisyo kan saindang buhay para sa kapakanan kan iba.
Segun sa Boy Scouts of the Philippines, nagpahiling an 15-anyos na scout nin pambihirang tapang sa tahaw kan trahedya.
Basado sa salaysay kan mga saksi, marikas na sinarado asin inulangan ni Fabian an pintuan kan silid-aralan ngani mapugulan an mga armadong suspek.
Sa pahayag pa kaini, na bilog na tapang an itinao ni Fabian sa saiyang sadiri sa peligro ngani protehiran an saiyang paratukdo asin mga kaklase.
Pigkakarkulong nasa 30 estudyante an nakaligtas sa laog kan silid-aralan huli sa saiyang kabayanihan.
Si Fabian an saro sa mga estudyante na nagadan sa insidente nin pambabadil na iki-nairido kan 20 iba pa makalihis an warang habas na pambabadil kan duwang armadong estudyante sa laog kan eskwelahan.
Kabale man sa mga nagadan, sina Joyancee Separa, 15-anyos asin Grade 10 student, asin si Ayessa Nicole Dazo, 14-anyos asin Grade 9 student.
Mientras tanto, idineklara kan Sangguniang Panlalawigan kan Pampanga si Fabian bilang “Pride of Pampanga” sa paagi kan Resolution No. 10319, kun sain nakalaag pagprotekta sa saiyang mga kaklase asin paratukdo sa tahaw kan trahedya.
