LEGAZPI CITY-Nananatili sa tatlo ang bilang ng mga nasawi habang 22 naman ang sugatan sa naganap na pamamaril nitong Hunyo 22, 2026 sa San Jose National High School sa Tacloban City.
Taliwas ito sa lumabas na impormasyon nitong Martes na umakyat sa apat ang mga binawian ng buhay.
Ayon sa pulisya, dalawang menor de edad na estudyante ang naaresto bilang mga suspek sa insidente.
Na-recover mula sa pinangyarihan ang mahigit 40 basyo ng bala, kabilang ang ginamit na 9mm Glock pistol at .38 caliber revolver na parehong nakarehistro sa mga kamag-anak ng suspek.
Bilang bahagi ng mga hakbang upang matiyak ang kaligtasan ng mga mag-aaral at kawani, nananatiling suspendido ang klase sa San Jose National High School, San Jose Central School, at Manlurip Elementary School.
Nagbigay na rin ng agarang tulong medikal at psychosocial support ang Department of Education sa mga apektadong estudyante at guro.
Patuloy ang masusing imbestigasyon ng Tacloban City Police Office at nananawagan sa publiko na huwag magpakalat ng hindi beripikadong impormasyon upang hindi madagdagan ang pangamba
