LEGAZPI CITY- Makaka eksperyensya an dakulang parte kan rehiyong Bicol nin ‘good weather’ ngunyan na bisperas kan Pasko asin sa mismong aldaw kan Kapaskuhan.
Segun ki Ariel Zamudio kan State Weather Bureau sa intrevista kan Bombo Radyo Legazpi na makaka eksperyensya pa sa maghapon nin mapanganuron na kalangitan huli sa epekto kan Easterlies.
Enkaso man na makamati nin kalat-kalat na pag-uran, magigin marikas man sana ining mawara.
Sa pagkabanggi man kan bisperas kan Pasko, magkakaigwa na suboot nin magayon na panahon kaya posible an mga outdoor activities.
Sa mismong Christmas day man, sinabi ni Zamudio na posible man an isolated rainshowers sa rehiyon alagad dae man ini maghahaloy.
