Pigsierto kan Malacañang na mas magiging mahigpit an gobyerno sa paglaog nin mga bagong kontrata may kinaaraman sa flood control projects, orog na kontra sa mga kumpanya na dai nakatapos kan saindang mga naenot na proyekto.
Ini an ipighayag ni Palace Press Officer asin Presidential Communications Office (PCO) Usec. Claire Castro kasunod kan direktiba ni Presidente Ferdinand Marcos Jr.
Sinabi ni Castro na malinaw an pahayag ni PBBM na mahigot na bantayan an mga kumpanya na may maraot na record, kabale na an nagkapira na dati nang naka-blacklist alagad nagbago sana nin pangaran asin padagos pa man giraray na nakakaresibe nin mga proyekto hale sa gobyerno.
Tinawang-duon ni Castro na importante an pagtarabangan kan media asin kan publiko nganing mabisto asin imbestigaran an mga siring na kumpanya.
Dugang pa ni Castro na mas marhay na hilingon man kan mga media an kalidad kan trabaho asin an historya o record kan mga contratista ngani na masierto an marahay na implementasyon kan mga proyekto.
