LEGAZPI CITY- Pigsabi kan Department of Budget and Management (DBM) na igwang calamity funds an gobyerno na maabot sa P11 billion na pwedesir na magamit bilang pangsuporta sa mga relief operations sa naging danyos kan Bagyong Carina asin Southwest Monsoon o Habagat.
Sa sarong pahayag, pigsabi kan DBM na igwa pang nasa P11.123 billion na pondo an gobyerno gikan sa National Disaster Risk Reduction and Management Fund (NDRRMF) gikan sa P22.736-billion allocation fund sa irarom kan fiscal year 2024 General Appropriations Act (GAA).
Kabale na digdi an P2.236 billion na natatadang budget kan nakalihis na taon na pwedesir na magamit sa nagkapirang mga disaster relief operations sagkod sa kataposan kan taong 2024.
Dugang pa kan Department of Budget and Management na kan nakalihis na enero sagkod hulyo nakapag release na an National Disaster Risk Reduction and Management Fund nin P11.612 billion.
Segun pa kay Budget Secretary Amenah Pangandaman na preparado an satuyang gobyerno asin handa suboot na magtaong suporta sa gabos na mga operasyon sa disaster rescue magin sa relief operations kun kinakaipuhan nin magkakanigong pondo.
Mientrastanto, pwedesir man na magamit kan mga government agencies an saindang Quick Response Fund (QRF) na naka alokektar sa saindang mga kani kaniyang budget.
