Sinierto ni Finance Secretary Ralph Recto na igwang bastanteng pondo an gobierno ngani na suportaran an relief asin rehabilitation efforts sa mga lugar na apektado kan bagyong Kristine.
Sinabi kan opisyal na pwedesir na kuwaon an pondo ngani na dugangan asin pakusugon an paghahanda sa kalamidad kan mga lokal na gobierno.
Posibleng gamiton an pondo para sa reconstruction, rehabilitation, o pagpapakarahay kan mga nadanyaran na mga tinampo, tulay asin mga establishimento makalihis an kalamidad.
Magagamit man ini ngani na maghatod nin dugang na tabang sa mga apektadong komunidad sa paagi kan food packs, first aid asin mga bulong, paramientras na istaran asin iba pang pangangaipo.
Napag-araman na kaibanan sa pondo na madaling makuwa kan ahensya iyo an mga unprogrammed funds, $500 million standby credit line, Rapid Response Option facility, nagkapirang contingent emergency response component hali sa World Bank, asin post-disaster standby financing hali sa Japan.
