LEGAZPI CITY—Ipigsuhestyon kan grupong Pambansang Lakas ng Kilusang Mamamalakaya ng Pilipinas (PAMALAKAYA) na dapat magkaigwa an gobierno nin sarong pangapudan na pangnasyunal na ipundo an reclamation asin dredging projects sa mga kadagatan sa nacion huli sa wara ining maidudulot na maray sa kapalibutan asin sektor kan parasisira.
Segun ki PAMALAKAYA Spokesperson Francisco France, sa intrevista kan Bombo Radyo Legazpi, an mga parasisira kaya an nagsasapara kan mga problema huli sa pig-reclaim an ibang dagat asin pigtambunan nin mag edificio asin an pagkuwa digdi nin mga basud na ipidadara sa ibag lugar na iyong nakakadestroso sa pangisdaan asin kapalibutan.
Tinawan-duon man kan opisyal na dapat pagsirbihan kan gobierno an mga parasisira sa nacion huli sa saindang mga ipigsasakrapisyo para sa kabuhayan kan saindang mga pamilya.
Afuera pa digdi na mantang nagpapasalamat sinda sa ginibong pagtabang kan sarong barkong Chinese sa sarong parasisirang Pilipino kan magkaaberya ini sa katahawan kan dagat kan Pilipinas, an sainda man giraray na pangapudan na dapat 24/7 na naka-deploy an mga personahes kan Philippine Coast Guard sa mga kadagatan nganing marespondehan an siring na mhga aktibidad.
Pighayag pa ni France na dapat parikason asin pakusugon kan gobierno an pag-alalay sa mga parasisira huli sa sinda an nagbubuhay sa mga Pilipino urog na pag-abot sa mga pigkakaon na lamang-dagat.
