LEGAZPI CITY-Pignegaran ni Ghislaine Maxwell, an suboot kasabwat ni late convicted sex offender Jeffrey Epstein, na simbagon an mga kahapotan kan US House Oversight Committee.
Sa halip na-invoke niya an saiyang Fifth Amendment right laban sa self-incrimination.
Si Maxwell, an nahatulan nin 20-taong pagkakakulong makalihis na mahatulan sa kasong sex trafficking kasunod kan krimen ni Jeffrey Epstein, na nagadan sa New York jail kan taong 2019 mantang naghahalat kan saiyang paglilitis.
Segun sa saiyang abogado na si David Markus, handa si Maxwell na magtaram kun matatawan siya nin clemency ni US President Donald Trump.
Mantang kadakol nang nagluluwas na milyon-milyong dokumento hale sa US Department of Justice (DOJ) na may kinaaraman sa kaso, wara suboot na bagong kaso na isinangat kay Epstein.
Segun sa nagkapirang miyembro kan Kongreso, may mga pangaran na prominente asin posibleng imbuelto sa krimen na na-redact, kabale an negosyante na si Les Wexner, billionaire asin may sadiri kan Victoria’s Secret, na pigtutukoy bilang co-conspirator.
Mientrastanto, nagpaluwas na man an US House Oversight Committee nin subpoena sa mga may kinaaraman sa kaso kabale an mag-agom na si Bill asin Hillary Clinton.
Afuera digdi, dai man pigpaapod kan komite sa pamayo kan mga Republican an malapit na amigo ni Epstein na si US President Donald Trump.
