Makakausad na sa semifinals round an World champion na Germany sa men’s basketball.
Ini makalihis na daugon an koponan kan Greece sa quarterfinals sa nagpapadagos na Paris Olympics, sa score na 76-63.
Nakapagrehistro si Franz Wagner nin 18 points, tulong rebounds, duwang assists, asin tulong steal para sa Germany.
Nagdugang man si Dennis Schroder nin 11 points asin walong assists mantang si Johannes Thiermann an igwang 10 points.
Nasayang man an 22 points ni NBA star Giannis Antetokounmpo para sa Greece.
