LEGAZPI CITY – Liwat na tinuyaw kan grupo nin mga paraoma an suboot kawaran nin kongretong aksyon kan gobierno sa food insecurity sa nacion.
Ini an katakod kan paparaning review kan Executive Order 62 na nagbawas sa taripa kan imported na bagas.
Segun ki Bantay Bigas spokesperson Cathy Estavillo na wara man nagin positibong resulta an kasuguan huli ta nagtetenir na halagkaw an presyo kan bagas sa merkado.
An mga polisiya suboot kan administrasyon an gabos mga anti-farmers asin anti-consumers na nagreresulta sa dakol na mga kaso nin tagutom.
Pigduon pa kan opisyal na padagos na nagalobo an pagkakautang kan mga local farmers huli sa pagkalugi na resulta kan padagos na pag-aangat nin bagas kan gobierno.
Mientras tanto, bako man kumbinsido an nasabing grupo sa programa kan gobierno na Bigas P29 huli ta limitado sana an pwedesir na mabakal asin limitado man an volume na pwedesir na mabakal kan mga namamanwaan.
Suhestyon pa kaini na i-fully subsidize kan gobierno an nasa 3.5 million hektarya nin tanuman nin paroy sa bilog na Pilipinas ngani na magkaigwa nin bastanteng ani para sa pangangaipo kan mga namamanwaang Pilipino.
