Inihayag kan Pentagon na sarong Filipino American an kabali sa anom na Amerikanong soldados na nagadan sa sarong drone strike sa sarong command center sa Kuwait.
Sinabi kan Pentagon na si Chief Warrant Officer Robert Marzan yaon sa lugar kan tuminama an drone strike sa command center sa Kuwait kan Domingo.
Ilinadawan siya kan saiyang tugang na babae bilang sarong maisog na lider asin sarong mapagpadabang agom, ama, asin tugang na lalaki.
Nagpahatod man an Gobernador kan California na si Gavin Newsom nin pakikidumamay sa agom asin pamilya ni Marzan.
Segun saiya, magtitinir sa half-staff an bandera sa saindang kapitolyo bilang pagbisto ki Marzan.
Si Marzan, 54 anyos, gikan sa Sacramento, California.
Nakadestino siya sa 103rd Sustainment Command, na nagtatao nin pagkakan, krudo, tubig, bala, transport equipment asin mga suplay.
