Sarong Filipina caregiver an nagadan sa Israel mantang pigtatabangan an saiyang ataman na iebakwar sa bomb shelter, susog sa kumpirmasyon ni Presidente Ferdinand Marcos Jr. ngonian na Domingo, Marso 1.
Sa sarong video message sa saiyang social media account, sinabi kan Presidente na an biktima an binisto si Mary Ann Velasquez De Vera, taga-Pangasinan, an nagadan makalihis tamaan nin shrapnel hale sa mga nagbagsak na drone kan Iran.
Afuera ki Mary Ann, dae man nakaligtas an saiyang employer gikan sa airstrike.
Dugang kan Presidente an biktima an kinumpirma kan saiyang agom, na saro man na OFW sa Israel.
Pigpromesa kan gobierno na itatao an gabos na kinakaipuhan na tabang sa pamilya kan nagadan na caregiver.
Magigiromdomang an insidente na kasunod kan joint military operations kan Estados Unidos asin Israel laban sa Iran kan Sabado, na nagpalala sa tensyon sa rehiyon.
Susog sa militar kan Israel, naglansar nin missile strikes an Iran bilang simbag sa saindang mga operasyon.
