Pig-abisuhan ni dating Senate President Juan Ponce Enrile an mga lehislador na pag-adalan an mga impeachment trial na naenot nang isinagibo sa mga nakaaging taon.
Segun ki Enrile na an mga ini an pwedesir magserbing guiding materials para sa duwang kapulungan kan Kongreso para lalo pang mapagtibay an saindang posisyon sa paglilitis ki VP Sara Duterte.
Kairiba digdi an impeachment trial para ki dating Presidente Joseph Estrada, trial ki dating Ombudsman Merceditas Gutierrez, asin an nagin impeachment trial laban ki dating Chief Justice Renato Corona.
Iginiit kan dating Senate President na an mga ini an maserbing precedent kaya mas marhay na mapag-adalan para magserbing giya sa magigin trial laban ki VP Sara.
Mientrastanto, nagtutubod man si Enrile na alagad dae pwedesir na pag-olayan sa publiko an merito kan mga petisyon nagkukwestyon sa impeachment complaint laban ki VP Sara na isinunad sa Korte Suprema, mas makakamarhay para sa Senado kun pag-adalan man an mga nakaaging impeachment trial.
Si Enrile an presenteng Senate president kan umusad an impeachment complaint laban ki dating Chief Justice Renato Corona, huli digdi siya an nagserbing presiding judge.
