Liwat na inagyat ni dating Senador Antonio Trillanes si Senador Ronald dela Rosa na boluntaryong hampangon an mga alegasyon laban saiya sa International Criminal Court (ICC) sa The Hague, Netherlands.
Agyat kan dating mambabatas ki Dela Rosa na magduman sa The Hague asin mag-iba o magbisita ki dating Presidente Rodrigo Duterte na nakakulong ngonian sa ICC Detention Centre.
Magayon man suboot ini nganing malinawan kun igwa talagang mandamiento de aresto na ipinaluwas an korte laban saiya.
Poon kan Nobyembre 2025, dai na nagpahiling sa publiko an dating hepe kan Philippine National Police (PNP) kasunod kan impormasyon na igwa nin mandamiento laban saiya.
Abiso ni Trillanes sa dating heneral na boluntaryong magduman sa The Hague asin kumpirmaron ini, o ibahan na sana an dating presidente duman asin patunayan kun tunay an ipinapahiling niyang pagkamoot asin suporta.
Dugang pa ni Trillanes, bako rasonable na bayaan ni Dela Rosa an dating presidente kun kapit-tuko an mga ini kan presidente pa si Duterte.
 in The Hague, Netherlands.){kind=link}