Ipiggiit giraray ni dating pangulong Rodrigo Duterte na an saiyang ginibo an para sa nacion.
Ini an mensahe kan dating punong ehekutibo kan bisitahon siya kan saiyang aki na si Vice President Sara Duterte.
Segun sa bise presidente na mawot kan dating presidente na dalian an proseso kan saiyang kaso.
Ikinakahandal kaya kan 80-anyos na dating presidente na baka abuton pa siya nin pagkagadan mantang nasa kustodiya kan International Criminal Court (ICC).
Dae man masyerto kan bise presidente kun an sinambit kan dating presidente an pag-tuga sa mga nangyari na gadanan sa war on drugs niya.
Magigirumdumang nasa kustodiya kan ICC an dating presidente makalihis na arestuhon huli sa crimes against humanity katakod kan war on drugs kaini kan termino niya.
