Nagsangat nin mga kasong plunder asin graft an Department of Migrant Workers (DMW) ki Former Overseas Workers Welfare Administration (OWWA) Administrator Arnell Ignacio asin walong iba pa.
Ini may relasyon sa kontrobersyal na pagbakal nin P1.4 billion na kantidad nin daga.
Sa kaso na isinangat sa Office of the Ombudsman, si Ignacio asin an duwa sa saiyang mga dating deputies sa OWWA, siring man an anom na iba pang nagpabakal kan daga, inakusaran nin malversation of public funds.
Susog sa DMW, an kaso nagin resulta kan pagbakal kan mga akusado nin 1.5-ektarya na daga harani sa Ninoy Aquino International Airport Terminal 1 kan Setyembre 2024, na gagamiton sa temporaryong istaran kan mga nagbabalik na overseas Filipino workers (OFWs).
Alagad, nadiskubre kan DMW na an daga harani sa runway kan aeropuerto an dae pwede pagtugdukan.
Sinabi man kan DMW na dae kinonsulta an OWWA board of directors asin dae man inaprobaran an land purchase, deed of sail asin nagkapirang contrata na may relasyon sa land purchase.
 filed plunder and graft charges against Former Overseas Workers Welfare Administration (OWWA) Administrator Arnell Ignacio and eight others.){kind=link}