LEGAZPI CITY-Sinabi kan sarong grupo nin paratukdo na dapat maipadagos an ethics complaint laban kay Leyte Representative Richard Gomez.
Segun kay University of Philippines College of Mass Media and Communication Professor Danilo Arao, sa intrevista kan Bombo Radyo Legazpi, na dapat matuloy an ethcis complain asin an pag-file nin charges sa data privacy act.
Dagdag pa niya na dapat na maipahiling an lohika na dai naghagad nin dispensa an alkalde asin may sala sa saiyang pagtubod sa medya.
Tinawan doon man ni Arao na dapat magkaigwa si Gomez nin “genuine apology” o sinsirong kun sain pigaako niya na sala an saiyang pagtrato, pag-harassed, asin bako media spin an nangyari.
Dugang pa niya na dapat igwang masunod na aksyon an alkalde siring kan pag-post kaini nin mga incriminating information asin an pag-post nin mga pampublikong impormasyon o contact kan mga peryodista.
Sinabi man ni Arao na limitado an nagin public apology kan alkalde kun sain kun siya an hahaputon an bako ini bastante asin kaipuhan an paninimbagan huli sa sala an saiyang pagbusisi sa peryodismo.
Sinabi pa kan professor na nakakataba man nin puso an pagprotekta sa kalayaan kan mga mamamahayag asin magin an publiko an kairiba sa pag-call out nin mga salang gawi kun sain nagpapatunay suboot ini na igwa pang paglaom an nacion maski nalulubog na sa problema.
