LEGAZPI CITY — Piglalamayan na ngonian an sarong 16-anyos na estudyante makalihis na maghugot sa Barangay San Isidro, Bacon District, Sorsogon City.
Sa intrevista kan Bombo Radyo Legazpi ki P/Supt. Jefferson Araojo, hepe kan Sorsogon City Police, nadiskubre kan stepfather kan biktima an wara nang buhay na lawas kaini sa harong kan abuela.
Nagtutubod man an pamilya kan menor de edad na biktima na warang foul play sa insidente.
Segun ki Araojo, saro sa mga pighihiling na rason kan pamilya sa ginibong paghugot kan biktima an hibabang mga grado sa eskwelahan.
Posibleng na-depress suboot ini sa nangyari urog pang kan nakalihis na mga taon, bisto an biktima na igwang haralangkaw na mga grado.
Mientras tanto, huli sa insidente inabisuhan kan hepe an publiko na maghanap nin makakaolay sa mga panahon na nadi-depress an sarong persona huli ta bako suboot solusyon sa problema an paghuhugot.
