LEGAZPI CITY—Sarong lalaking estudyante an nahulog sa hararom na kalot sa bulod kan Barangay Lamba, Legazpi City, Albay.
Kaiba kain ani an lima pang magbabarkada ngani na mag-nature trip sa nasambitang lugar.
Segun ki Barangay Lamba Kapitan Norberto Abion, sa intrevista kan Bombo Radyo Legazpi, na siya nagngangalas huli ta bigla na sana ining naglaog asin na dapat nagpaaram kuta an mga ini sa barangay nin huli ta kadakol na kahoy digdi asin dae aram na may kalot na palan sa lugar.
Nagngangalas man an opisyal kun nata may kalot sa nasambitang lugar kaya sinabihan kaini an mga tanod sa barangay na patambunan nin daga an kalot ngani na dae na mautro an siring na pangyayari.
Pigkakarkulong nasa 15 feet an rarom kan daga kun saen nahulog an biktima.
Sa presente dinara na an biktima sa ospital para sa atensyong medikal.
Mientrastanto, sinabi kaini na kun may balak na magpasiring sa nasambitang bulod dapat na magpaaram sa mga opisyales kan barangay ngani na maibahan sinda.
