Nanindugan an Estados Unidos na susurogan an Pilipinas en kasong maglala pa an tensyon kontra sa China.
Kasunod ini kan pinakabagong insidente na naman sa Ayungin Shoal kung sain pitong miyembro kan Philippine Navy an nalugadan kaiba an saro na naputolan pa nin guramoy.
Base sa report kan Philippine Coast Guard, nilaog asin kinumpiskar pa kan mga Chinese an mga badil kan mga Pinoy.
Segun kay Maj. Gen. Pat Ryder an press secretary kan Pentagon, an Pilipinas an totoong nakakasakop sa West Philippine Sea asin an China an nagbabayolar sa international law.
Pangapudan ni Ryder sa China na magsunod sa international law asin irespeto an soberanya kan Pilipinas.
Pinagirumdoman pa kaini an China na igwa nin Mutual Defense Treaty an Pilipinas asin Estados Unidos kung sain nakahanda an saindang nasyun na depensaran an kaalyado sa anuman na pag-atake kan kalaban.
