LEGAZPI CITY-Inatake kan pwersa kan Estados Unidos an mga Iranian coastal radar sites makalihis na maglansar an Iran nin mga pag-atake sa Strait of Hormuz.
Nagtutubod an US military na apat na drone kan Iran an nagpupuntirya regional maritime traffic.
Segun sa US Central Command na an tulos na inatake ninda an mga surveillance sites kan Iran sa Goruk asin Qeshm Island, harani sa Strait of Hormuz.
Sinabi man kan Iran Revolutionary Guard Corps na target ninda an US bases sa rehiyon gamit an mga missile bilang balos sa mga pag’atake kan Estados Unidos asin pinakawalan an apat na tanker bilang pag-porbar na makabalyo ini sa strait nin warang permiso.
Segun sa state media na nag-iintercept an depensa sa Kuwaiti air huli sa mga missile asin drone attacks mantang padagos an siren sa Bahrain asin pinatanidan na an mga residente na maghanap nin shelter.
Sinabi kan Iran na tinamaan kan ballistic missiles an parehong base kan Estados Unidos sa duwang nacion.
