LEGAZPI CITY-Pignegaran ni Senate President Francis “Chiz” Escudero na tinabangan niya an Centerways Construction na makakuwa nin kontrata para sa mga proyekto kan gobyerno.
Nasa ikapitong rank an Centerways Construction sa listahan kan top 15 flood control project contractors na pinangaranan ni President Ferdinand Marcos Jr.
Alagad pigako ni Escudero na haloy niya ng amigo an may sadiri kan kompanya asin nilinaw niya na bako siya kasosyo sa negosyo kaini.
Inako man niya na binuhusan siya ni Lawrence Lubiano, an presidente ng Centerways Construction nin milyon-milyong pondo kan 2022 elections.
Basado sa opisyal na statement of contributions and expenditures hale sa Commission on Elections, nagbugtak nin 30 million pesos an nasambitang kumpanya sa pangangampanya ni Escudero.
Segun pa kay Escudero, an pagdamay sa saiya sa iyu, an sarong malisyosong lakdang na parte suboot kan demolition job laban sa saiya.
Dagdag pa niya na nagkapirang grupo an mawot siyang mapatalsik sa puwesto ngani na sa oras na isangat an impeachment complaint sa Pebrero 2026, wara na siya suboot sa kapangyarihan na magsasakatuparan kan mga plano kan mga pabor sa impeachment.
