Nag-abot na an enot na shipment kan imported diesel kan gobierno kan Huwebes, Marso 26, 2026 bilang parte kam lakdang nganing mapatatag ang suplay kan langis asin mapugulan an epekto kan pabago-bagong presyo kaii sa lokal na merkado.
Susog sa Department of Energy (DOE), nasa labi 22.5 milyong litro o 142,000 bariles nin diesel an saindang naresibe na parte kan plano nganing pakusugon an reserba nin enerhiya kan nacion.
Isinagibo ini alinsunod sa direktiba ni Presidente Ferdinand Marcos Jr. sa irarom kan Executive Order No. 110, na nagtatag kan Emergency Energy Security Program.
Obheto kan programa na protehiran an mga konsomedores asin industriya laban sa biglaang paghalangkaw kan presyo kan krudo sa world market sa paagi kan pagdugang nin lokal na imbentaryo kan fuel.
Sinabi ni Energy Secretary Sharon Garin na padagos nindang pigmo-monitor an suplay kan langis nganing masierto na dae maaantala ang transportasyon asin kalakalan sa nacion.
Pinagangasiwaan an pagbakal asin pagdara nin diesel sa tabang kan Philippine National Oil Company asin kan PNOC Exploration Corp., na ipigsugong kakulangan sa suplay.
Sa ibong kan padagos na paghiro kan presyo nin langis sa pankinabang merkado, ipigdoon kan DOE na prayoridad kan gobierno an bastante asin padagos na suplay kan diesel, na importante sa transportasyon asin agrikultura.
Dae man sinabi kan ahensya an kabilogang kantidad kan nasabing shipment, alagad tinawan-doon kan DOE na mas importante an pagiging accessible kan fuel para sa publiko sa tahaw kan nag-iiral na pressure sa global oil prices.
