LEGAZPI CITY— Mga drug paraphernalia an nahalughog kan mga otoridad sa harong kan sarong empleyado kan Local Government Unit (LGU) Polangui katakod kan isinagibong seach and seizure operation.
Binisto an suspetsadong si Arlyn Claudio Saberola, 58-anyos na residente kan Barangay Centro Oriental sa parehong banwaan.
Nilaog kan pinagsararong pwersa kan Philippine Drug Enforcement Agency (PDEA), Regional Drug Enforcement Unit-R2, Police Intelligence Branch asin Albay Police Provincial Office (PPO) asin Polangui Municipal Police sa bisa kan search warrant an harong kan drug suspect.
Nakumpiskar sa posisyon ni Saberola an duwang pidaso nin improvised tooter, sarong tweezer na nasa laog nin plastic, nagkapirang pidaso nin gunos na aluminum foil, sarong kahon nin sabon kun sain nakabugtak an plastic na may laog na tulong pakete nin pigtutubudang shabu asin sarong lighter.
Sa presente, nasa pag-ataman na si Saberola kan Polangui MPS ngani na kahampangon an kasong isasangat kontra saiya.
