LEGAZPI CITY-Naka-standby an Philippine Emergency Medical Assistance Teams (PEMATs) kan Department of Health (DOH) sa Luzon asin Visayas ngani magbugtak nin mga field hospital kasunod kan makusog na magnitude 7.8 na linog na nagtama sa Sarangani kansubagong aga, Lunes, Hunyo 8.
Sa sarong pahayag, sinabi ni Health spokesperson at USec. Albert Domingo na tulos na pig-activate an mga crisis protocols sa mga ospital kan DOH asin mga regional offices kan Center for Health Development.
Ginibo man an rapid assessment sa kamugtakan kan mga pasilidad sa kan DOH asin lokal na gobyerno ngani masierto na ligtas an mga ini sa pag-akomodar kan mga posibleng pasyenteng apektado kan linog.
Mientrastanto, preparado man an health emergency response team na magdeploy sa DOH hospitals asin Centers for Health Development base sa ground operations.
