Nilinaw ni EJ Obiena an mga salang istorya dapit saiya asin sa kapwa Olympian na si Carlos Yulo.
Segun sa World No. 3 pole vaulter na nunca siya makomento dapit sa pribadong buhay kan siisay man.
Marurumduman na dakol kaya an nagluluwas na mga artikulo na pigkukumparar an duwang atleta.
Segun ki Obiena na dae siya nagpaluwas maski sarong komento dapit sa pribadong buhay ni Yulo.
DUgang pa kaini na mag-amigo sinda ni Yulo sa laog nin dakol na taon asin dae siya nakikipag kumpitensya digdi huli sa respeto niya sa nasabing Olympic gold medalist.
Inomaw pa kaini an honra na dinara kan Pinoy gymnast para sa nacion.
