Duwang torneyo pa an papartisiparan ni Pinoy pole vaulter EJ Obiena ngunyan na bulan.
Ini makalihis na makakuwa siya nin bronze medal sa INIT Indoor Meeting Karlsruhe sa Germany.
An nasabing trayumpo an nagkapirang aldaw sana an pagitan kan manggana man siya nin bulawan na medalya sa Asian Indoor na ginibo sa China.
Sinabi ni Obiena na an pagpartisipar kuta niya sa Germany an diit pang dae madagos huli sa problema sa scheduling asin biyahe.
Alagad sa tabang kan Embahada kan Pilipinas, naresolbran an nagkapirang isyu asin nakapagpartisipar siya sa kumpetisyon sa Germany.
Sa presente pigsasapinal pa kun masabak ini sa torneo sa France sa Pebrero 19.
Posible man ining masundan sa Polan sa Pebrero 22.
