LEGAZPI CITY-Nangenot si Pinoy pole vaulter EJ Obiena sa mga atleta na masabak para sa World Athletics Indoor Championships na gigibuhon sa Poland.
Sinabi kaini na pinaghandaan niya an nasabing torneo makalihis na dai siya nakabale digdi kan nakalihis an taon huli sa bigo siyang ma-qualify.
Alagad, nagtutubod si Obiena na kaya niyang malagpasan ini ngonian na taon kaya pinaghandaan niya an nasabing torneo.
Marurumduman na kakatapos pa sana ni Obiena sa ISTAF Indoor sa Berlin kun saen siya nasungkit niya an gintong medalya.
Kasabay kaini, inanunsyo kan Philippine Athletics Track and Field Association na kabale ni Obiena si World number 12 pole vaulter John Cabang Tolentino na masabak sa 60 meters hurdles asin sinda Jessica Laurance asin Zion Corrales Nelson naman para sa 60-meter dash.
Mapoon an World Athletics Indoor Championship sa maabot na Marso 20, 2026.
