LEGAZPI CITY-Tinamaan nin 6.1 magnitude na linog an Eastern Visayas susog sa Phivolcs.
Nairehistro an Intensity V sa Can-Avid, Eastern Samar; Dulag asin Alangalang sa Leyte; asin Gandara sa Samar, kun saen namatean an makusog na pagyugo na nagresulta nin pagkahadit sa mga residente.
Intensity IV naman an namatean sa Abuyog, Palo, asin Carigara sa Leyte.
Siring man sa iba pang lugar arog kan Naval sa Biliran, Hernani sa Eastern Samar, Ormoc City, Hilongos, Albuera, Baybay, Villaba, asin Isabel sa Leyte, kabale an Sorsogon City asin Bulusan sa Sorsogon, asin iba pang banwaan sa Southern Leyte, kun sain namatean an Intensity III na linog.
Mientras tanto, Intensity II an nairehistro sa Kawayan, Biliran; San Francisco, Cebu; Monreal asin Esperanza sa Masbate; asin Prieto Diaz sa Sorsogon.
Namatean man an Intensity I sa Tabaco, Albay; Carcar, Liloan, asin Cebu City sa Cebu; Sta. Maria sa Davao Occidental; Passi City sa Iloilo; Aroroy asin Cataingan sa Masbate; Donsol sa Sorsogon; asin Maasin sa Southern Leyte.
