LEGAZPI CITY- Nagpaparahay na ngonian sa ospital an duwang lalaki makalihis na magsapar nin tama nin bala sa tulak asin likudan na abaga sa insidente nin pambabadil sa Brgy. Balagnonan, banwaan kan Pandan, Catanduanes.
Nagluluwas sa inisyal na imbestigasyon kan mga otoridad na pauli na an loan collector na si Raymond Magno, 28 anyos siring man si Arnel Talion, 42-anyos kan abangan ini kan duwang armadong kalalakihan sabay-deklara nin hold up.
Nagibong makadulag kan duwa sa kamot kan mga holdaper alagad pinaputukan an mga ini kan dae pa nabibistong mga suspetsado na nagdulag man sa dae pa maaraman na direksyon.
Tulos man na naidalagan sa pinakaharaning ospital an mga biktima mientras na hagad an tulos na pag-arestar sa mga may kagibuhan sa sitwasyon ninda ngonian.
