LEGAZPI CITY — Saro an Bicol region sa mga top growers pag-abot sa sirang tilapia sa bilog na Pilipinas, ini an ipighayag ni Nonie Enolva an tagapagtaram kan Bureau of Fisheries and Aquatic Resources (BFAR) Bicol.
Segun ki Enolva, kasabay kaya an Lake Buhi asin Lake Bato sa mga top 10 producers kan sira sa nacion apwera pa sa mga fish ponds sa rehiyon.
Dugang pa kan opisyal na ipigdidistribuer man ini sa mga mayor na areas sa lokal na merkado na dakulang katabangan sa mga parasira na nakikinabang sa cultured fishes.
Sa ibong na lado, inengganyar man kaini an publiko na makisumaro sa paglinig asin pagprotehir bako sana sa mga freshwater kundi magin sa mga seawater.
Katakod kaya kaini, nag-oopresir an ahensya nin bagong programa na “Malinis at Masaganang Karagatan” para sa mga coastal community kun saen hasta sa P20 million an kantidad kan fisheries project na pwedesir na ganahon kan mga mabale.
