LEGAZPI CITY- Pinag-iimbestigaran na kan mga otoridad an pagkakabisto kan tolong suspek na responsable sa pambabadil nin traysikel drayber asin sarong pasahero kaini sa Barangay Luy-A, Aroroy, Masbate.
Segun sa Aroroy Municipal Police Station, binisto an mga biktima na sinda Vito Sailago, 42 anyos na drayber kan traysikel asin an pasahero kaini na si Erlinda Nuñez Narvaez, 62 anyos.
Napag-araman na pigbabaybay kan traysikel ni Sailago sakay an duwang pasahero an direksyon haling Barangay Malubi pasiring sa Barangay Baga-Uma.
Alagad bigla na sanang pinauranan nin bala kan tolong dae pa nabibistong mga suspek an lunadan kan mga biktima.
Nagsapar nin tama sa toong tuhod asin walang kamot si Sailogo, tinamaan man sa lubot si Erlinda mantang dae man nalugadan sa insidente an saro pang pasahero na si Jeambie Ibañez.
Marikas na naidalagan sa ospital an mga biktima na nasa salbado naman na kondisyon sa ngunyan asin nagpaparahay pa.
Mantang tulos na nagdulag paparayo an mga suspek na pinaghahanap na kan mga otoridad.
Sa ngunyan pinag-aaram pa kung ano an posibleg motibo kan mga suspek sa krimen.
