Uminabot 2 an kumpirmadong gadan mantang 9 an pigtutubudang kritikal matapos ang nangyaring banggaan kan PUJ asin Cement Mixer sa kahbaan kan Maharlika Highway na sakop kan banwaan kan Castilla, Sorsogon.
Segun kay Castilla MDRRMO head Edgar Ardales sa intrevista kan Bombo Radyo Legazpi na nagpapasalamat ini huli ta dakol an nagtabang na mapagaan an response operation kan PNP, MDRRMO at BFP nganing madara an mga irido sa pinakaharaning ospital.
Pigtaram man kaini na 9 sa mga irido an linipat na sa Sorsogon Provincial Hospital nin huli sa nagin kritikal suboot an mga ini.
Pigsabi man kaini na base sa saindang record ini na an pang dose na insidenteng naitala ngunyan na bulan sa saindang munisipalidad asin kun susumahon suboot nag-aabot sa sarong aksidente sa sarong aldaw an nairerehistro sa saindang banwaan.
Segun pa kay Ardales na kalimitan sa mga nagigin kawsa kan aksidente sa saindang banwaan an mapadapit sa overspeeding asin drunk driving.
Nagpagirumdom an opisyal na mag ingat sa pagmamaneho nin ano mang klase nin anumang klase nin behikulo nganing maibitaran an aksidente.
Pwede suboot na dae magmaneho nin makaskas nin huli ta makakaabot man sana suboot sa saindang papadumanan maski luway luway sana suboot an padalagan.
