LEGAZPI CITY – Duwang persona an arestado kan mga otoridad makalihis na madakop na nagpuputol nin niyog.
Nangyari ini sa Purok 6 San Fernando Sto Domingo sa probinsya kan Albay. Susog sa impormasyon gikan sa Sto. Domingo Municipal Station, an mga nadakop na suspek iyo sinda Hercules Bernaldes, 26-anyos asin Ivan Bernaldes na parehong residente kan nasambitan na lugar.
Naaktuhan an mga ini kan pulisya sa tabang kan Municipal Environment and Natural Resources Office (MENRO) asin PENRO Albay na nagpuputol nin kahoy nin niyog gamit an chainsaw.
Kan hagadan suboot nin papeles o dokumento para sa nasambitan na aktibidad, dae nin maipresentar an mga suspek, rason ngani na bitbiton an mga ini pasiring sa istasyon kan pulisya.
Apwera sa kasong pagbalgar sa Coconut Preservation Act, kakahampangon man kan duwang suspek an kasong pagbalgar sa Chainsaw Act na isasangat kan nasambitan na hepatura.
