LEGAZPI CITY — Kinalampag kan grupo hale sa manlaen-laen na sektor kan sociedad an gobierno sa dakol na isyung kinakahampang kan labor force katakod kan pag-obserbar kan Araw ng Paggawa ngonian na Mayo 1.
Sa intrevista kan Bombo Radyo Legazpi ki Alvin Reola na nagtitindog na lider kan grupo, obheto kaini an matawanang-atensyon an pagtatapos sa end-of-contract (endo) para sa regularization kan mga empleyado urog na peryodo pa nin kampanya ini ipigpromesa ni Presidente Rodrigo Duterte.
Kaibanan pa sa kamawotan kan mga ini an dugang na sweldo sa pagmahal na man kan mga barakalon mantang duwang taon na man an nakalihis alagad wara pang maikokonsiderar na significant change.
Piglalaoman na maabot sa 5,000 an dadalo sa naturang pagtitipon na mula sa mga grupong Kilusang Magbubukid ng Pilipinas, Kabataan Party-list, Gabriela, Kilusang Mayo Uno, Anakbayan, Albay People’s Organization at iba pa.
Mientras tanto, ipighayag man ni Presidente Duterte an pormal nang pagpirma sa executive order dapit sa endo sa nagin speech kaini katakod kan 116th Labor Day observance sa ciudad kan Cebu.
