Inalmahan kan nagkapirang manufacturers sa nasyon an dae pagtugot kan Department of Trade and Industry (DTI) sa hirit nindang dagdag presyo sa nagkapirang mga babarakalon.
Sinabi kan DTI na sagkod sa pagtatapos kan taon an warang dagdag presyo sa mga pangenot na babarakalon arog kan sardinas, kape, noodles asin iba pa.
Saro sa mga dahilan na nahiling kan DTI iyo an kadakol na lugar kaya sa nasyon an nirapado kan mga magkakasunod na bagyo.
Labi man an kamunduan kan grupo kan mga mag-sasardinas sa nasyon.
Segun kay Francisco Buencamino an executive director kan Canned Sardines Association of the Philippines, na labi sa duwang taon na sindang warang taas nin presyo.
Dapat lang suboot na masabutan kan gobyerno na padagos an paglangkaw kan presyo kan mga raw materials na piggagamit sa paggibo nin sardinas.
Siring pa man an naglalao an grupo ninda na sa masunod na taon an maaprubaran na an saindang hirit na dagdag presyo.
