LEGAZPI CITY- Naging produktibo an ipigsagibong Consumer Education and Advocacy kan Department of Trade and Industry Albay sa Bicol University College of Business Economics and Management.
Segun kaya Noel Bunao, an Provincial Director kan Dti Albay sa intrevista kan Bombo Radyo Legazpi, saro sa mga naging tema sa nasabing aktibidad iyo an dapit sa consumer rights asin responsibilidad kan mga konsomidores.
Dugang pa kan opisyal na dakulang bagay suboot ini para sa mga estudyante huli ta sinda an saro man na kabale sa consumer sector asin nagtatangkilik sa socia media.
Dakula man suboot an naitao kan nasabing ahensya nin impormasyon para maka desisyon an mga estudyante sa pagpili asin pagbakal magin kun igwa sindang mga irereklamo.
Nagkaag man an DTI nin mga info materials sa students consumer corner kan unibersidad.
Mientrastanto, nagpasalamat man si Bunao sa manhamiento kan Bicol University huli sa pagtataong suporta sa saindang mga adbokasiya.
Enot na kayang nagkaigwa nin MOA an nasabing eskwelahan asin an DTI dapit sa pagpapadagos kan saindang itataong consumer education.
Kamawotan kan opisyal na mgpadagos pa an saindang kooperasyon hasta sa mga masunod na aldaw.
