LEGAZPI CITY-Nakapag-distribwir nin asiste sa mga naapektaran kan pagbaha na dara kan habagat sa mga evacuation center sa Barangay Masarawag Guinobatan Albay.
Segun kay Department of Social Welfare and Development Bicol Regional Director Norman Laurio, sa intrevista kan Bombo Radyo Legazpi, na nakapagtao sinda nin asistensya siring kan mga hot meals asin family food packs sa Barangay Masarawag kun sain nadanasan an pirmihang pagbaha tuyong taguran.
Padagos man suboot an saindang pakikipagkoordinar sa mga city offices asin sa nasyunal na gobierno ngani makapag-padara pa nin mga family food packs enkaso magkulang ini sa saindang mga warehouses.
Afuera sa nasabing barangay, an nakahanda naman suboot an nasa labi 12,000 family food packs sa mga regional warehouses kairiba na an Albay, Camarines Sur, Camarines Norte, Catanduanes, Sorsogon, asin sa Masbate, kung sain nakapreparar na an mga local government unit kasunod kan preposition kan ahensiya.
Katakod kan laomang kalamidad, nakahanda naman suboot an saindang mga relife food items sa pag-dispose sa posibleng maapektaran pamilya tuyong igwang raot nin panahon.
Segun pa sa opisyal na kasunod ini kan panibagong direktiba ni Secretary Rex Gatchalian, na enkaso igwang mga pamilya an apektado sa pagbabaha an nagtatao sinda nin asistensya orog na warang mga hanapbuhay an nagkapira sa panahon kan kalamidad.
