Legazpi City- Nagpaabot nin tabang an Department of Social Welfare and Development Bicol sa mga residente na apektado kan magkasunod na kasulo na nairehistro sa Barangay kan Tula-Tula asin Bitano sa Cuidad kan Legazpi.
Sa intrevista kan Bombo Radyo Legazpi kay Carl James T. Cabarles, an Information Officer kan DRMD, DSWD Bicol, pagkatapos kan kasulo sa duwang Barangay ay tulos na nagpaabot nin inisyal na tabang an DSWD para sa mga pamilyang apektado.
Nakaresibe nin mga Food packs asin iba pang mga kagamitan an ipinaabot kan ahensya sa mga apektadong pamilya.
Sa assessment na isinagibo kan ahensya napag-araman na igwang duwang harong an haros duwang totally damage sa Bitano asin Totally damage man sa Barangay kan Tula-Tula.
Dugang pa kan opisyal makakaresibe pa nin tabang pinansyal an mga ini hale sa Assistance for Individual in Crisis Situation o AICS. P10,000 para sa totally damage mantang P5,000 pesos sa partially damage.
Mientras tanto an sarong biktima kan kasulo na injured asin nagpaparahay sa hospital an tatawanan man kan DSWD nin medical assistance hali sa kaparehong programa.
