LEGAZPI CITY- Pig-asigurar kan Department of Social Welfare and Development Bicol na igwang bastanteng suplay nin relief goods an saindang ahensiya ngunian na nagpapadagos an panrarapado kan bagyong enteng sa rehiyon.
Segun kay Norman Laurio,an Regional director kan DSWD Bicol sa intrevista kan Bombo radyo Legazpi, padagos an saindang koordinasyon sa mga lokal na gobyerno kan kada probinsya kan Bicol partikular na sa mga lugar na binaha asin kinaipuhan nin magkakanigong asistensiya.
Dugang pa kan opisyal na nakapag distribwer na sinda nin nasa dos mil na family food packs sa mga residentes na apektado kan bagyo sa Naga City.
Igwa suboot nasa 130,000 na family food packs sa Bicol an nakalakop sa 50% kan 114 na lgu an igwang preposition na food asin non-food items na preparado na para sa distribyusyon.
Mientrastanto, antes pa man suboot maglaog sa PAR an bagyo, preparado na an DSWD kun saen igwa ining nasa 5 million na standby fund.
Segun pa sa opisyal, nakapagtao naman sinda nin mga hot meals para sa mga nastranded na pasahero sa mga pantalan.
Sa ngunian nakatutok an nasabing ahensiya sa mga lugar na apektado kan bagyong Enteng.
