Sinuspinde kan Philippine College of Physicians (PCP) si Dr. Anthony “Tony” Leachon nin anom na bulan huli sa suboot defamation kontra sa kapwa doktor asin nagbayolar sa ethical standards.
Basado sa 26-pahinang desisyon kan 13-member Board of Regents kan PCP, napatunayan na nagbalgar si Leachon sa Code of Ethics kan organisasyon huli sa saiyang mga public statements kontra sa nagkapirang pag-iriba sa propesyon.
Segun sa desisyon, guminibo suboot si Leachon nin mga alegasyon nin korapsyon na warang bastanteng ebidensya kun sain pigkokunsiderar na bako ethical an lakdang na ini kontra sa mga kapwa doktor.
Huli digsi, sinabi kan PCP na dapat papanimbagon si Leachon sa pagbayolar sa saiyang sinumpaan na mandato bilang miyembro kan organisasyon.
Siring man, nilinaw kan PCP na dae napatunayan an nagkapirang parte kan reklamo saiya, kaibanan an suboot misrepresentation bilang expert witness asin pagpapalakop nin salang impormasyon katakod kan Dengvaxia controversy.
Sa saiyang Facebook post, sinabi ni Leachon na bako siya uyon sa desisyon asin pinag-aadalan kan saiyang mga abogado an lakdang na pwedesir gibuhon.
