LEGAZPI CITY- Maogmang ibinarewas kan Department of Public Works and Highways na natapos na an saindang pagpapatinampo sa duwang sections kan Camalig iyo an pasiring sa Sumlang Lake asin sa Huyop- Huyopan Cave kan banwaan.
Ini an pigkokonsiderar na Camalig tourism circuits papasiring sa mga tourist destination kan nasabing banwaan.
Segun kay Richard De Jesus, an DPWH 2nd District Engr. Office Spokesperson sa naging intrevista kan Bombo Radyo Legazpi, naggibo nin paagi an saindang ahensya ngani na maging accesible ini sa mga foreign asin local tourist asin dae na sinda mapapagal sa pagpasiring sa mga tourist destinations.
Magtatao man suboot ini nin benipisyo sa mga residentes na makapag generate nin trabaho asin madudugangan an ekonomiya kan lugar.
Dugang pa kan opisyal na magiging ligtas naman an mga estudyante kun mapasiring sa mga eskwelahan kun saen dae na magiging malaboy an dalan.
Maabot man sa labi 900 meters an sukol kan bagong tinampo asin pigpunduhan nin nasa P46 million.
Mientrastanto, hagad man kan opisyal sa mga lokal na gobyerno, district offices asin sa gobyerno nasyonal na suportaran an saindang mga proyekto huli ta makakatabang ini sa mga komunidad.
