LEGAZPI CITY-Inanunsyo kan Department of Labor and Employment (DOLE) na ma-ofresir sinda nin haros 165,000 na trabaho sa gaganapon na “Labor Day job fairs” bilang suporta sa tahaw kan krisis sa langis.
Segun kay Labor Assistant Secretary Lennard Constantine Serrano, na magkakaigwa nin 89 job fair sites sa bilog na nacion, na papartisiparan kan 1,700 employers.
Dagdag pa niya na nangengenot na trabaho sa manufacturing, wholesale asin retail, business process outsourcing, construction, accommodation asin food services.
Pigenganyar man kan ahensya an iba pang partner agencies arog kan National Bureau of Investigation (NBI), Philippine National Police, PhilHealth, Pag-IBIG, asin iba pa ngani mag-set up nin booth sa mga job fair sites, ngani mas mapagian an pagkuha kan mga clearances gikan sa mga nabanggit na ahensya.
Mientras tanto, magkakaigwa man nin career development support program sa mga job fair sites para sa mga aplikante na kinakaipuhan nin counselling o advice para sa saindang skillsets o mga kwalipikasyon.
