Pig-asigurar kan Department of Justice na maisisirbi an hustisya sa duwang suldadong nagsunad kan saindang reklamong ‘rape’ laban sa sarong senior military officer kan Armed Forces of the Philippines.
Ini mismo an naging kumpirmasyon ni Secretary of Justice Jesus Crispin Remulla makalihis mahapot kun ano an lakdang o aksyon kan kagawaran mapadapit digdi.
Kun saen inihayag kan nasabing kalihim na makaseseguro suboot an publiko na laomang magkakaigwa nin hustisya urog na sa mga indibidwal na biktima nin pang-aabuso o pang-aapi.
Kasunod ini sa pagsusunad kan duwang suldado nin mga reklamong ‘rape’ asin ‘attempted rape’ sa prosecutor’s office kan Lipa, Batangas.
Nakasaad sa isinumiteng affidavit kan mga complainants na sinda an inimbitaran na magkaturog sa kwarto kan saindang senior officer nin warang pig-iisip na maraot.
Alagad digdi na suboot nangyari an dae piglalaomang ‘rape’ suboot na saindang inireklamo makalihis an insidente.
Mientrastanto sa ibong kaini, an imbwelto na senior officer kan military an ipignigar an mga alegasyon o akusasyon laban saiya.
Pagdoon kaya kaini na an ‘sexual assault’ na ipinaratang saiya an imposibleng mangyari huli sa duwang suldado kumpara saiya na saro sana.
Siring man, pigtawan doon kan abogado kan mga complainants na an ‘rape’ an pwedesir mang mangyari kay sisay man magin sa lalaki.
Sa presente, an nasabing inireklamong senior military official an isinairsrom na sa ‘restrictive custody’ o ‘house arrest’ sa laog kan kampo kun saen ini nagtetenir.
