Nakapagrehistro na an Department of Health (DOH) nin pitong kaso nin firecracker-related injuries o mga lugad na may kinaaraman sa paputok ngonian na holiday season.
Segun sa ahensya, tolong panibagong kaso an nairehistro poon kan Disyembre 21 sagkod sa maagahon kan Disyembre 23.
Mas hababa ini sa 75 porsyento kumpara sa 28 kaso na nairehistro sa parehong peryodo kan 2024.
Kun sain apat sa pitong biktima an edad 19 pababa.
Kadaklan sa mga insidente kawsa kan paputok na Boga asin 5-Star.
An datos hale sa 62 sentinel hospitals, asin padagos an DOH sa pagbabantay sagkod sa Enero 5, 2026.
Pigpapagirumdom kan ahensya na tulos na darahon sa ospital an mga biktima nin paputok asin mag-apod sa 911 sa oras nin emerhensya.
Pig-enganyar man an publiko na likayan an paggamit nin paputok para sa mas ligtas na pagselebrar kan Pasko asin Bagong Taon.
 has registered seven cases of firecracker-related injuries this holiday season.){kind=link}