Nagpatanid an Department of Health (DOH) sa peligro kan leptospirosis mantang nagpapadagos an mahiwasang pagbaha huli kan warang patod na pag-uran gikan sa southwest monsoon o habagat.
Patanid kan ahensya na dae magkawat asin ibitaran na maglusong sa baha huli ta delikado an mga mikrobyo gikan sa mga basura asin kalat na pwedesir magkawsa nin leptospirosis.
Ipinaliwanag kan ahensya na an leptospirosis an impeksyong kawsa kan leptospira bacteria na naglalaog sa hawak sa paagi nin lugad o mucous membranes asin pwedesir magkawsa nin destroso sa atay, bato, asin puso.
Dugang kan DOH en kaso na malulubog sa baha, na tulos na maghugas nin hawak gamit an sabon asin tubig. Magpakonsulta sa doktor kun may lugad o kun makakaeksperyensya nin sintomas siring kan kalintura asin pangugngulog nin lawas.
